聽聞老富昌,中環店最好食。今晚試過,與之前到尖沙咀店比較,真係好食D 噃!可能加上格調/環境也有比較吧!
一行八人,有二人食$728二人餐,其餘食$278四courses。
7:30 order好,等了35分鐘才有野食。期間不停供應脆脆的法包。我地仲要等埋,多幾度菜的二人餐既步伐,才上Appetizer、Soup、Main、Dessert …..zzzzzz。
*白酒煮蜆,嘩!未食過咁重酒味的煮蜆,蒜味與白酒合二為一,白酒湯飲多幾啖,有點醉意。在咁凍天氣下,很暖身。蜆殼厚,唔等於肉厚,蜆肉仲有點腥!所以蜆反而變左配角。
煙三文魚蟹肉牛油果卷,可能煙三文魚本身咸,蟹肉又咸,三文魚較瓦色,好似唔係好新鮮,整條卷,口感好似玩具「鬼口水」。
是日餐湯:南瓜薑忌廉湯,有試的人都異口同聲說,好似食蕃薯糖水。又係噃!我愛薑味濃既野,但apply在足料南瓜湯度,真係有錯覺唔係飲緊南瓜湯。
*法式煎鵝肝,同事說有脆面,略嫌熟左DD,不過都唔錯。
*香草田螺,看來都幾肥美,薯蓉也滲著田螺香。
*青檸雪葩,估唔到主菜前,食個冰涼的清新雪葩,會係咁醒神醒胃。法國人真識享受!
我的主菜:香草檸檬焗加拿大海鱸魚配蕃茄沙沙。因為要等齊全枱人上,廚師煮好都要放埋一邊,我的魚已被放涼。魚肉嚡口又無味,亦唔覺有咩蕃茄味。另一同事食既煙燻比目魚扒,原來仲好食!兩片魚扒用燒汁煎得入味,感覺似雪魚味!!伴吃的鮮果沙律更是開胃之選!!
又試左同事的穀飼肉眼扒,也出奇地juicy!
甜品:焗朱古力布甸配雲尼拿雪糕,雖然流心度未有一傾而出,但無論布甸部份或朱古力漿,都是沒怪味的香濃朱古力味。但係球雲尼拿雪糕,未免水準太平凡了。
暖蘋果甘保雲尼拿雪糕,非常之不滿!蘋果切大粒,用糖水煮煮,上碟再灑上餅碎,咁就叫Apple Crumble!!!?超求其!唔好食!
*是二人套餐食物*
今個set我揀錯左main course;揀錯左甜品。但係人地o個D又好好食喎!
以這個價錢、這個如堡壘格調的環境、食物質素,真係好抵食!
如置身古堡
是次慶祝朋友的生日, 很期待, 因為看過 openrice 的食評後, 一直都想嚐一嚐這人間美食, 尤其這是小妹首次光臨. 事前, 除了做美食資料搜集外, 就是跟酒家作預訂, 因為部份菜色製作需時, 廚師的心思, 就是在這裡顯現~
一行6人, 點菜蠻多的, 皮蛋酸薑, 海蜇頭併懷舊紮蹄, 金牌燒鵝, 清湯腩, 雲霧肉, 杏汁白肺湯, 椒鹽海參扣, 禮雲子琵琶蝦, 蟹肉扒莧菜, 蓮蓉壽包.
<皮蛋酸薑> 當然是要加碼的前菜, 可說是全酒家最平宜又最令人懷念的一道, 論味道和口感, 都是與平時吃的明顯有別, 至少它一定沒有皮蛋的"壓"味, 平常不吃皮蛋的朋友不妨一試, 秘密是醃製後第28天吃, 太早太遲也不行. 蛋白晶瑩得很, 口感和啫喱很接近, 溏心蛋黃真的好吃到不得了, 因為味不太濃烈, 蛋黃外層非常軟熟, 溏心部份十分柔滑, 酸薑只是點綴而已, 只欠紅酒！
<海蜇頭併懷舊紮蹄> 也不賴！海蜇頭真的很爽脆, 只是份量少一點, 聽說紮蹄的製作不馬虎, 先將原隻豬手起肉拆骨, 混入豬脷底肉, 玫瑰露酒和鹵水一同醃製, 再將豬肉鑲入起了肉的豬手內, 以秘製鹵水汁煮熟, 吃起來像燻蹄和鎮江肉的混合版, 有淡淡的玫瑰酒香.
<金牌燒鵝> 說真的沒驚喜, 和我平時幫襯開的新榕記燒鵝飯盒沒大分別, 只是鏞記多了蠔油豆墊底而已.
<清湯腩> 名副其實湯底很清, 油不多, 筋膜和腩肉比例各半, 據訂菜部小姐說, 每隻牛只能做3份爽腩, 故需預訂, 真的是物以稀為貴喔~ 要吃大眾化的, 華姐清湯腩絶對是個不錯的選擇, 雖然湯底比不上鏞記的清, 然而肉味的確香濃！
<雲霧肉> 是當晚我們另一至愛, 這道菜是吃廚藝和工夫, 製作繁複, 亦需預訂, 據說是用雲霧茶將五花腩浸去肥膩, 再用上湯煮, 然後鹵水燉, 最後以茶葉, 甘蔗等材料煙燻, 那份香味, 未入口或咀嚼時也可同時享受, 外層少少煙"un", 帶點蜜味, 肉很淋, 一定要趁熱吃, 才能嚐到肥肉的甘香, 還有醃製過的珠筍條, 可減輕油膩感, 非常開胃 ღ
我們還預訂了<杏汁白肺湯>, 單是端上來的湯渣就知份量十足, 連煲湯的白肺也可以吃, 喝湯時會 feel 到杏仁的微粒, 所以湯看上去略帶杏仁的白色, 很濃很鮮.
訂菜時他們還推介了<椒鹽海參扣>, 參扣是指海參噴水的部位, 吃下有點像椒鹽魷魚鬚, 炸得熱辣辣, 外面的粉漿脆脆的, 色澤微黃, 裡面的參扣煙"un", 要點牙力去咬~ 是普通的一道菜.
<禮雲子琵琶蝦> 不平宜, 而且也是鏞記有名的菜餚, 心想賣相一定不錯, 味道也該很好. 上菜時, 只見蝦放得亂七八糟, 味道咸了一些, 朋友說會否是味精? 而禮雲子份量不多, 所以吃不出禮雲子是什麼味道, 然而蝦肉是爽口的. 反而, 隔天在灣仔生記吃的豉油王蝦碌惹味得多！
完美句號來個<蓮蓉壽包> , 也是要預訂的, 除非你想吃奶皇吧, 原隻咸蛋黃很好吃, 白蓮蓉幼滑而香. 這次吃得飽, 看來黑芝麻味濃郁的水雲糕要待下一次了.
其他還未品嚐的, 禮雲子蛋清, 風雲際會邁千禧, 桂花蟬油雞, 二十四橋明月夜...... 下次會再來！
皮蛋酸薑
雲霧肉 (1999年 國際美食大賞金獎)
椒鹽海參扣
禮雲子琵琶蝦
蓮蓉壽包
